Cynorthwyydd Addysgu Lefel 4 - Ysgol Gynradd Llanfarian


Company:	Ceredigion County Council
Salary:	£31,537 - £33,699
Hours:	Part-time
Location:	SA46 0PA
Working pattern:	On-site
Job type:	Contract
Posting date:	22 Jul 2026
Closing date:	21 Aug 2026

Apply for this job

Summary

Ydych chi’n weithiwr proffesiynol profiadol a brwdfrydig sy’n angerddol am helpu plant i ddysgu, tyfu, a chyflawni eu potensial llawn? Mae Ysgol Gymunedol Llanfarian yn chwilio am Gynorthwyydd Addysgu Lefel 4 medrus i ymuno â’r tîm o 1/9/2026, neu mor fuan â phosib ar ôl hynny, am gyfnod o flwyddyn i gychwyn

Mae hwn yn gyfle cyffrous i chwarae rhan allweddol wrth gefnogi dysgu ar draws yr ysgol, gan weithio’n agos gyda’r athrawon, arwain sesiynau grŵp bach, ac o bryd i’w gilydd gymryd cyfrifoldeb am ddosbarthiadau cyfan. Byddwch hefyd yn helpu i reoli a datblygu cynorthwywyr addysgu eraill, gan sicrhau safon uchel o gefnogaeth i bob disgybl.

Fel Cynorthwyydd Addysgu Lefel 4, byddwch yn:

- Cynllunio, paratoi a chyflwyno gweithgareddau dysgu o dan system oruchwyliaeth gytunedig.

- Asesu anghenion disgyblion a defnyddio gwybodaeth arbenigol i gefnogi dysgu a chynnydd.

- Datblygu a gweithredu Cynlluniau Addysg ac Ymddygiad Unigol (IEPs).

- Darparu adborth ar gynnydd disgyblion a chyfrannu at asesiadau a chadw cofnodion.

- Hyrwyddo cynhwysiant, annibyniaeth, hunan-barch ac ymddygiad cadarnhaol.

- Defnyddio TGCh yn effeithiol i wella addysgu a dysgu.

- Gweithio gyda’r athrawon i gynllunio a gwerthuso gwersi, gan sicrhau bod gweithgareddau’n diwallu anghenion disgyblion.

- Rheoli a chefnogi cynorthwywyr addysgu eraill, gan gynnwys mentora, arfarnu a hyfforddi.

- Cyfrannu at gynllunio a chyflwyno gweithgareddau dysgu y tu allan i’r ysgol a chyfleoedd cyfoethogi.

Rydym yn chwilio am rywun sy’n:

- Yn meddu ar brofiad o weithio gyda phlant o’r oedran priodol mewn amgylchedd dysgu.

- Yn bodloni safonau Cynorthwyydd Addysgu Lefel Uwch (HLTA) neu’n meddu ar gymhwyster/profiad cyfatebol.

- Yn meddu ar sgiliau llythrennedd a rhifedd rhagorol (sy’n cyfateb i NVQ Lefel 2 neu uwch).

- Yn meddu ar hyfforddiant arbenigol neu sgiliau mewn meysydd perthnasol o’r cwricwlwm, megis llythrennedd, rhifedd, TGCh, cefnogaeth ddwyieithog, neu iaith arwyddion.

- Yn deall datblygiad plant, prosesau dysgu, a fframweithiau statudol.

- Yn gallu defnyddio TGCh a thechnoleg yn effeithiol i gefnogi dysgu.

- Yn hyderus wrth arwain ac ysgogi eraill, gyda sgiliau cyfathrebu a gwaith tîm cryf.

- Yn deall pwysigrwydd diogelu, cynhwysiant, a datblygiad proffesiynol parhaus.

Yn gyfnewid, byddwch yn:

Ymuno ag ysgol groesawgar a blaengar sy’n gwerthfawrogi gwaith tîm, datblygiad proffesiynol, a chefnogaeth o safon uchel i bob disgybl. Byddwch yn cael mynediad at hyfforddiant parhaus a chyfleoedd i ddatblygu eich sgiliau arwain ac addysgu ymhellach.

- Disgrifiad Swydd a Manyleb y Person [https://hreforms.ceredigion.gov.uk/ufs/jdps/JDPS%20TA4%20HLTA%20SDL.pdf]

Am ragor o wybodaeth, cysylltwch â Helen Davies ar daviesh203@llanfarian.ceredigion.sch.uk

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch.

Sylwch na fydd euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.

For more details regarding this vacancy, please refer to the full job description on the Ceredigion County Council careers website.

Apply for this job