Head Teacher (Primary), GAELIC ESSENTIAL, Bun-sgoil Ghàidhlig Loch Abar, HGH21721 - HGH21721


Company:	Highland Council
Salary:	£76,617 to £76,617 a year
Hours:	Full-time
Location:	Lochaber, PH33 7NX
Working pattern:	On-site
Job type:	Permanent
Posting date:	27 Oct 2026
Closing date:	9 Nov 2026

Apply for this job

Summary

Job Description

Tiotal Dreuchd: Ceannard-sgoile (Bun-sgoil)

Àite: Bun-Sgoil Ghàidhlig Loch Abar

Uairean: 35 san t-seachdain

Ùine: Maireannach

Tuarastal: £76,617 Per Annum

Neach Fiosrachaidh: Kirsty Clark Post-d:

kirsty.clark@highland.gov.uk

Cuiribh a-steach IARRTAS AIR-LOIDHNE.

Tha fileantas sa Ghàidhlig riatanach airson na dreuchd seo.

Às dèidh 1 Lùnastal 2020, chan fhaod Ùghdarrasan Ionadail ach na h-earrannan a leanas de dhaoine a chur an dreuchd mar Cheannardan-sgoile maireannach: -

1) Daoine a tha air an Inbhe airson Ceannardas a choileanadh.

2) Daoine a chaidh a chur an dreuchd mar Cheannardan-sgoile maireannach air sgoil phoblach, sgoil a tha a’ faighinn taic-tabhartais no sgoil neo-eisimeileach air no ro 1 Lùnastal 2020.

Faodaidh neach nach eil air an Inbhe airson Ceannardas a choileanadh fhathast a bhith air an cur an dreuchd mar cheannard-sgoile, fhad ’s nach eil an dreuchd a’ mairsinn nas fhaide na 30 mìos.

Mus tèid dreuchd a dhearbhadh, feumaidh tagraichean soirbheachail ballrachd a ghabhail ann an Sgeama Dìona nam Buidhnean So-leònte.

Tha an obair seo air a seòrsachadh mar dhreuchd riaghlaichte. Mar thoradh, math dh’fhaodte gum bi feum air Sgrùdadh Clàr Eucorach Thall Thairis a rèir ur nàiseantachd agus an eachdraidh chòmhnaidheachd agaibh o chionn ghoirid. Gu sònraichte, bidh an dearbhadh seo riatanach

mura h-eil sibh a’ coinneachadh

an dà shlat-tomhais a leanas:

Feumaidh sibh a bhith nur nàiseanach dhen Rìoghachd Aonaichte no de aon de na dùthchannan a leanas: A’ Ghearmailt, Lituàinia, An Òlaind, Portagail, Romàinia, An Ungair, A’ Ghrèig, An Fhraing, Èirinn, An Eadailt, An Spàinn, no A’ Phòlainn.

Chan fhaod sibh a bhith air fuireach no air a bhith ag obair ann an dùthaich sam bith taobh a-muigh na RA no nan dùthchannan a tha air an liostadh gu h-àrd airson barrachd air trì mìosan, fhad ’s a bha sibh aois 18 bliadhna no na bu shine, taobh a-staigh nan còig bliadhna a chaidh seachad.

Thoiribh an aire gur e an dleastanas agaib’ fhèin a th’ ann an Sgrùdadh Clàr Eucorach Thall Thairis fhaotainn, agus bidh agaibh ri cosgaisean riatanach sam bith a phàigheadh.

Tha Comhairle na Gàidhealtachd a’ tuigsinn gu bheil iomadachd a’ brosnachadh cruthachas is innleachdas. Tha dealas againn do cho-ionannachd chothroman agus do bhith cothromach is ion-ghabhalach. Tha sinn a’ cur fàilte air iarrtasan bho dhaoine bho gach cùl-raon, a tha a’ riochdachadh nan coimhearsnachdan a bhios sinn a’ frithealadh. Tha sinn gu sònraichte a’ cur fàilte air iarrtasan bho thagraichean a tha buailteach a bhith air am fo-riochdachadh nar feachd-obrach.

Mar fhastaiche a tha misneachail a thaobh ciorraim, tha sinn a’ toirt barantas gun toir sinn agallamh do gach tagraiche ciorramach a bhios a’ coinneachadh nan slatan-tomhais riatanach as lugha airson na dreuchd.

Tha pasgan ath-shuidheachaidh aig a’ chomhairle agus math dh’fhaodte gum bi seo ri fhaotainn dhan tagraiche shoirbheachail.

Mar as trice ’s ann tro phost-d a thèid fios a chur gu tagraichean air a’ gheàrr-liosta, mura h-eilear ag innse a chaochladh. Cumaibh sùil air ur puist-d, agus air a’ phasgan sgudail.